Başçıya etiraz olaraq özünü yandıran Qarabağ Qazisi AĞIR DURUMDA...
8-05-2025, 12:09
Bir neçə ay bundan əvvəl Cəlilabad rayon icra hakimiyyətinin başçısına laqeydliyi səbəbindən etiraz olaraq canına qıyan və intihara cəhd edib özünü yandıran Qarabağ Qazisi Elnurun durumu daha da ağırlaşıb. "DİA-AZ" xəbər verir ki, bu barədə sosial şəbəkələrdə məlumat yayılıb.
Xatırladaq ki, bir neçə ay əvvəl Cəlilabad rayon icra hakimiyyətinin başçısı tərəfindən qəbul olunmadığında görə RİH rəhbəri Rafiq Cəlilova etiraz olaraq özünü yandıran Qarabağ Qazisi Elnurun məsələsi o zaman böyük rezonans doğursa da, günü bu gün də onunla kimsə maraqlanmır və hətta durum o həddə çatıb ki, Elnur sosial şəbəkələr vasitəsilə pul toplamağa çalışır. Hər halda dövlətin müvafiq qurumları həqiqətən də sağlıq və sosial durumu ağır olan Elnuru ciddiyə almalı, ona dəstək olmalıdır. Amma görünəni odur ki, məhz baxımsızlıq səbəbindən Elnur bu yola əl atmaq zorunda qalıb...
Onun son halı yuxarıdakı fotoda əks olunub və bu halı ilə bağlı videogörüntülər paylaşan Elnur xalqından dəstək istəyir...
Geri qayıt