Paşinyan Zənğəzur dəhlizini açır
Bu gün, 15:50
“İndi böyük təhlükə var ki, sabah və ya o biri gün Zəngəzur dəhlizi məsələsi ortaya çıxacaq. Camaatı buna hazırlayırlar ki, “Meğrini biz yox, onlar veriblər” deməyə hazırlayırlar”.
“Cebheinfo.az” xəbər verir ki, bunu fevralın 3-də jurnalistlərlə söhbətində “Ermənistan” blokundan deputat, Daşnaksütyun Partiyasının üzvü Armen Rüstəmyan deyib.
“Hökumət yeni, həyati əhəmiyyətli güzəştlərə getməyə hazırlaşırlar. Müharibədən əvvəl deyirdilər ki, Qarabağ məsələsi çoxdan həll olunub. Nəticədə olanları gördük”, - deyə Rüstəmyan bildirib.
“Sərhəddə aparılan demarkasiya və delimitasiya işləri Ermənistana nə verir?” sualına deputat belə cavab verib: “Azərbaycan heç yerə geri çəkilmək fikrində deyil. Azərbaycanlılar özlərininki hesab etdikləri əraziləri demarkasiya yolu ilə alacaqlar. İndi isə anklavlarla bağlı sual yaranacaq. Tavuşda proses hələ bitməyib”.
Armen Rustamyanın fikrincə, hələ cavabı tapılmayan bir sual var:
“Kirantsdan (Günən) Gürcüstanla sərhədə qədər dövlətlərarası yolun hər hansı hissəsi Azərbaycanın nəzarətinə keçəcək, ya yox? Bu sualın cavabı yoxdur, çünki hökumət “hə” desə, xalq üsyan edər, “yox” desə, o zaman Bakı bəyan edəcək ki, bu proses baş tutmur?”
Geri qayıt