Ermənistan hərbçiləri ABŞ hərbi bazasında göründü
Bu gün, 18:12
Bu günlərdə Müdafiə Nazirliyinin hərbi tibb idarəsinin rəisi, tibb xidməti polkovniki Qeqam Paşikyanın rəhbərlik etdiyi nümayəndə heyəti Almaniya Federativ Respublikasının Hohenfels şəhərində yerləşən və “Birgə Həll 2025” təlimlərinin keçirildiyi ABŞ hərbi bazasında olub.
Musavat.com erməni mediasına istinadən xəbər verir ki, bu barədə Ermənistan Müdafiə Nazirliyinin mətbuat xidməti məlumat yayıb.
Müdafiə Nazirliyinin Hərbi Tibbi Təminat İdarəsinin səhra hospitalı ilə yanaşı, bu il ilk dəfə olaraq Müdafiə Nazirliyinin hərbi polisinin xüsusi taborunun şəxsi heyətindən ibarət bölük də təlimlərdə iştirak edir.
Xəbərdə bildirilir ki, Müdafiə Nazirliyinin Hərbi Polis İdarəsinin rəis müavini, polkovnik Artur Umrşatyan hərbi polis bölməsinin şəxsi heyəti ilə həmin xidmət yerində olub.
Geri qayıt