Gürcüstan Prezidenti Salome Zurabişvili hakimiyyətə yeni parlament seçkilərinin təyin edilməsi üçün bir həftə vaxt verir.

Publika.az "Sputnik Georgia"ya istinadla xəbər verir ki, ölkə lideri bu barədə müxalifətin mitinqində çıxışı zamanı məlumat verib.

O, dekabrın 23-də vətəndaşlar üçün daha təfərrüatlı videomüraciət çəkəcəyini vəd edib və səhnədəki texniki problemlərə görə indi çıxış edə bilməyəcəyini bildirib.

“Onlar mənə söz verdilər ki, tezliklə dəmir barmaqlıqlar arxasına düşəcəm, amma biz qorxmuruq”, - Zurabişvili mikrofonu sönməzdən əvvəl bu sözləri deməyi bacarıb.

Prezident qeyd edib ki, onlar onun çıxışını pozmağa çalışırlar.

Dekabrın 22-də Gürcüstanın baş naziri İrakli Kobaxidze deyib ki, səlahiyyət müddəti dekabrın 29-da başa çatan Zurabişvili vəzifəsini tərk etməkdən imtina edərsə, onu həbs gözləyir.