Naxçıvan Şəhər İcra Hakimiyyətinin düz qarşısında yerləşən “Saat Meydanı” parkı kimlərinsə yeni biznes mərkəzinə çevrilib. “Saat Meydanı” parkı Naxçıvanın simvollarından biri hesab edilir və Beynəlxalq Turizm bürosu tərəfindən belə qeydə alınıb. Dünyanın bir çox turizm saytları Naxçıvan haqqında yazılarda məhz bu parkın şəkillərini təqdim edirlər.
Lakin indi bu park məmurların biznes oylağına çevrilib. Düz Naxçıvan şəhər İcra hakimiyyətinin düz qarşısında yerləşən bu parkda indi insanların istirahət mərkəzi kimi yox məmurların satdığı kafe və restoranların oylağına çevrilib. Parkən əsas hissəsində gənclərin əyləncə mərkəzi kimi fəaliyyət göstərən yer kimlərinsə göstərişi ilə satılıb və burada “Kafe 357” adlı restoran inşa edilib. Şəhər sakinlərinin istirahət mərkəzinə çevrilən bu ərazi indi restorana gələn avromobillərin dayanacağına çevrilib.
Yəqin ki, Naxçıvan Muxtar Respublikasının rəhbərliyi bu “gözəlliklərə” reaksiya verəcək.
Qarşı tərəfin mövqeyini dərc etməyə hazırıq.
