ABŞ məhkəməsi Gürcüstan vətəndaşı Polad Ömərovu İran hakimiyyəti adından jurnalist və hüquq müdafiəçisi Məsih Əlinejadı qətlə yetirməkdə təqsirli bilib.

“Cebheinfo.az”-ın məlumatına görə, Gürcüstan mediasının yaydığı xəbərdə belə qeyd edilir. Münsiflər heyəti artıq qərarını çıxarıb. Yekun hökmün sentyabrda elan ediləcəyi xəbər verilir. 40 yaşlı Ömərov əslən azərbaycanlı olan nüfuzlu kriminal avtoritetdir. Bu işdə Rafət Əmirovun da adı çəkilir. O da ittiham üzrə təqsirli bilinib.

Müstəntiqlər hesab edirlər ki, 2022-ci ilin iyulunda Əmirov və Ömərov İslam İnqilabı Keşikçiləri Korpusunun (SEPAH) yüksək rütbəli üzvlərinin göstərişi ilə Nyu-Yorkda yaşayan Əlinejadın qətlini hazırlayıb. Jurnalist İran rejiminin açıq tənqidçilərindəndir.
Müstəntiqlərin fikrincə, İranın kəşfiyyat agentləri əvvəllər onu qaçırmağı planlaşdırsalar da, bu cəhdlər baş tutmayıb. Əmirov və Ömərov ABŞ vətəndaşı Xalid Mehdyevi işə götürərək jurnalisti öldürmək üçün ona 30 min dollar ödəyib. Əlinejad evinin yaxınlığında şübhəli hərəkətləri görüb və vaxtında qaçdığı üçün sui-qəsd cəhdi uğursuz olub.

Həmin gün qatilin bəxti yenə gətirməyib, polis maşında pulemyot taparaq onu qeyri-adi yol hərəkəti qaydasını pozduğuna görə saxlayıb. Ömərov 2024-cü ilin əvvəlində beynəlxalq həbs qərarı əsasında Çexiyada saxlanılıb və tezliklə ABŞ-yə ekstradisiya edilib.
Ümumilikdə, Əmirov və Ömərov beş maddə üzrə təqsirli biliniblər:

sifarişli adam öldürmə (10 ilədək həbs);

sifarişli qətl törətmək üçün sui-qəsd (10 ilədək həbs);

“çirkli pul”ların yuyulması üçün sui-qəsd (20 ilədək);

qəsb məqsədi ilə adam öldürməyə cəhd (10 ilədək).

odlu silahın saxlanması və istifadəsi (ən azı 5 il müddətinə inzibati həbs).

Hər iki cinayətkarl ömürlük həbs cəzası gözləyir.